Crotz-Roja, comitat d’Albuga
Benvenguda dins un monde d'ajuda mutuala  

Dins l'anciana percepcion d’Albuga, en fàcia de l'escòla primària, carrièra de la Boetia, los jorns de bradariá, la Crotz-Roja aquò’s la mai "bat" de las botigas de vestits vièlhs, amb de fardas per tota la familha e un acuèlh adorable de la part de la còla femenina que s'i consacra. Benevòlament, per reculhir e per tornar distribuir. La Crotz-Roja a besonh de vosautres tots per contunhar d’ajudar, viste, simplament, amb totjorn la mesma eficacitat.

Lo sacre dels campions sus grand ecran 

Lo 2 d’agost passat, Albuga a desrotlat sus lo balcon de son Ostal de la Comuna una granda tela de 5 mètres per 6, a la mesura de la fiertat de tot lo vilatge per sos campions : los jogaires de l'ASBB, campions de França 2007 de Rugbí / Federala 3 !
Lo film de Sofia Cattoire retraçant lor partida eroïca, mas tanben lo tresen temps : la ronçada dels supporters sus lo prat per potonejar los campions, la fèsta dins los vestiaris, lo baptisme del Boclièr al champanha, lo retorn a Albuga e la fèsta jos lo mercat cobert, a permetut a tots de tornar viure aquels moments inoblidables amb totjorn lo meteis bonaür. Lo Film pareisserà lo 28 de setembre sus DVD, a l'escasença d'una projeccion en sala aqueste còp, organisada al Cinemà Lux al Buisson a 20o30. De mai, podretz aqueste còp descobrir lo bonús : la bodegà dels campions a Albuga lo 7 de julhet, la presentacion del Boclièr dempuèi lo balcon de la maison comuna dins l'euforia totala e puèi d'autras suspresas ben gardadas…

Albuga fai onor a sos campions 

Per marcar l'eveniment istoric – la victòria de l'ASBB en finala del Campionat de França, rugbí, federala 3 – tots los jogaires son estat recebuts lo 10 de julhet 2007 a la pòrta de la Vesèra per lo cònsol màger d’Albuga, sénher Gerard Fayolle, que lor a balhat a cadun una reproduccion del mitic boclièr, gravat emb lor nom.
Pauc avant, lo 7 de julhet, tot lo vilatge los aviá onorat en organisant d’un còp una bodegà qu’aviá un biais de Felibrejada, amb una plaça de la maison comuna ufanosament decorada per las femnas dels jogaires e dels dirigents.